Canción para o desfile de Entroido

Carrascás, carrascás,

que bonita serenata,

carrascás, carrascás

que me estas dando a lata

Os rapaces de Arteixo

temos que levar catiúscas,

porque xa no pavillón

pódense criar medusas...

Carrascás, carrascás....

Este ano co mal tempo

estámosche ben aviados,

quedámonos sen recreo,

por non ter onde taparnos.

Carrascás, carrascás...

Estamos como sardiñas

esperando o cole novo,

se non nolo fan axiña

teremos que irnos do pobo.

Carrascás, carrascás...

Oian as autoridades

acelérennos as obras,

que neste colexio noso

non collemos nin de bromas.

Carrascás, carrascás...

As mestriñas de segundo

ai, que guapiñas que son,

leven botas ou sandalias

ou zapatos de tacón.

Carrascás, carrascás...

E as mestras de primeiro

se queren información,

fan de Óscar un pandeiro

e o meten no ordenador.

Carrascás, carrascás...